احتفل الفنان محمد مهران، بعيد ميلاد زوجتة، موجه لها رسالة يعبر عن مدى حبه الشديد،والذي وصفها بأصعب سنة مرت عليهما.
ونشر محمد مهران، صورة تحمعة بزوجتة من داخل منزلهما عبر حسابه الشخصي بموقع تبادل الصور والفيديوهات “إنستجرام” وعلق على الصورة قائلا “مع كل سنة بتعدي عليكي و احنا مع بعض .. بحسها سنين عمرنا الجديد اللي بنبني فيهم ذكرياتنا و حياتنا”.
وأضاف” و عمرنا اللي جاي كانت سنه صعبة عليكي بجد من حمل لولادة بس بنينا فيها ذكريات كتير لينا و الاهم انك جيبتلنا احلي شئ في الكون زين، ربنا يحفظهلنا كل سنة و انتي في حياتي يا حبيبتي و عائلتي بحبك “.
وفي سياق منفصل كان أثارت موجه من الجدل عبر السوشيال ميديا بعدما كشف محمد مهران، عن كتابة لأول مرة مسلسل” لؤلؤ “بمشاركة المخرج محمد سامي، وذلك بعدما أشار في منشور له بأن محمد سامي هو من طلب منه تقديم المسلسل.
وكتب محمد مهران” مبروك لكل صناع مسلسل لؤلؤ مبروك يا مي ان شاء الله المسلسل يعجب الناس و يحبوا لؤلؤ و انتي تعبتي كتير في المسلسل و اكيد ربنا هيجازيكي علي قد تعبك”.
وأشار إلى أن “اما بالنسبه لشعوري بفرحتي و انا بقرا اسمي و مكتوب جمبه سيناريو و حوار احساس مش عارف اوصفه بس اقدر اوصف اول حاجة جات في بالي و انا بتفرج علي اول مشهد من مسلسل #لؤلؤ”.
وتابع” افتكرت مكالمه جاتلي يوم ٢٦ / ٧ /٢٠٢٠ من الاستاذ محمد سامي قالي فيها ايه رايك تكتب سيناريو و حوار مسلسل لؤلؤ ، اكتر حاجة استغربتها اني عمري ما قولتله اني بحب الكتابه او حتي هو قرالي اي حاجة و بصراحه في الاول خفت من المسؤوليه الكبيره دي بس قررت اخوض التجربه”.
وأكمل حديثه قائلا” اكتشفت اني اهم حاجة طلعت بيها من التجربه دي اني اتعلمت كتير من الشخص اللي ليه فضل عليا بعد ربنا سبحانه و تعالي اني اعرف اكتب مشهد من بدايته لنهايته من اول ما قالي المشهد يتكتب بالورقه و القلم لحد اخر كلمه تتكتب في المسلسل”.
وأختتم حديثه “الشخص ده هو الاستاذ محمد سامي، اللي لازم يكون اول شخص اشكره ، مش لكونه اداني فرصه اني اكتب السيناريو و الحوار للمسلسل و بس ، ده لانه علمني يعني ايه اكتب سيناريو و حوار و ده شئ هفضل فاكره فاي مشهد لاي عمل هكتبه بعد كده شكراً و شكراً و شكراً لربنا انه قدر اني اتعلم كتابه الدراما علي ايدك”.