رياضة

احمد حسن يهاجم ريهام سعيد بسبب فيديو “السمنة”

اعرب العميد أحمد حسن نجم منتخب مصر والأهلي والزمالك سابقا عن استيائه الشديد من مهاجمة الاعلامية ريهام سعيد لاصحاب السمنة المفرطة.

وقال أحمد حسن عبر صفحته الرسمية على موقع التواصل الاجتماعي فيس بوك “الأستاذة ريهام سعيد خرجت علينا وقالت بالنص “الناس التخينة ميتة، عبء على أهلها وعلى الدولة، وبيشوهوا المنظر”، “منظرك بيكون مش حلو وأنت بالعباية أو الجلابية ومش قادرة تمشي، بتفقدي جزء من أنوثتك”.

وأضاف “بصي يا ريهام هكلمك عملي وبدون تنظير.. شايفة الست القمر السمينة دي! تبقى أمي وفي زيها ملايين من أمهاتنا واخواتنا العظيمات إللي جابوا رؤساء وعلماء ومبدعين و رياضيين وفنانين و إعلاميين للأسف انتي واحدة منهم وناجحين في كل المجالات في البلد”.

وتابع “الناس دي تعبوا وشقوا وعرقوا واشتغلوا وقعدوا على ولادهم وعلموهم وحاجات كتيرة فى مشوار الحياة، الأمهات دول بركة حياتنا وكفاية دعوة واحدة بس منهم تريح القلب وتفتح الأبواب المقفولة الناس دي اللي انتي متعرفيش عنهم وعن ظروفهم حاجة انتي اتكلمتي عنهم بسوء لأنك بإختصار معرفتيش قيمتهم ولا هتعرفيها لأن الناس اللي وصفتيهم بالميتة دول مبيموتوش حتى ولو رحلوا عن الدنيا لأننا بنعيش بكل حاجة حلوة علموها لينا وسابوهلنا وبيسبوهلنا”.

واختتم بقوله “يا ألف خسارة على الإعلام اللي بدل ما يعلم وينصح ويقدم رسالة محترمة بقى يسخر وينظر على الطيبين اللي فاضلين في حياتنا.

نصيحة لوجه الله على الملأ زي كلامك ما كان على الملأ .. راجعي نفسك وحاولي تعتذري لكل الناس اللي زعلتيهم جايز يسامحوكي”.

جدير بالذكر أن الاعلامية ريهام سعيد وجهت هجوما ونقدا لاذعا على أصحاب السمنة ، بقولها “الناس التخينة ميتة عبء على أهلها وعلى الدولة وبيشوهوا المنظر ، متحرك بيكون مش حلو وانتي بالعباية او الجلابية ومش قادرة تمشي ، بتفقدي جزء من انوثتك”.

وأعلنت ريهام سعيد اعتزال الإعلام والتمثيل بشكل نهائي وذلك بعد قرار مجلس نقابة الإعلاميين بممارسة اي نشاط اعلامي وإيقاف برنامج صبايا على شبكة قنوات الحياة.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى