ملك صالح تهاجم معتز مطر لهذا السبب

ملك صالح تهاجم معتز مطر لهذا السبب
ملك صالح وصبري نخنوخ

شنت الاعلامية ملك صالح هجوما قولت على الإعلامي معتز مطر وذلك بشأن ما حدث تجاه احتفالية القبائل المصرية تجاه السيد صبري نخنوخ.

ونشرت ملك صالح عبر صفحتها الرسمية على موقع التواصل الاجتماعي فيس بوك صورة لها مع صبري نخنوخ قائلة “مساء الخير عليكم جميعا …. الحقيقه انا بقالي يومين بتابع القرف اللي على سوشيال ميديا اللي يخص الاستاذ صبري نخنوخ … الموضوع ابتدى بالحيوان معتز مطر نشر مجموعة فيديوهات وصور للسيد صبري نخنوخ في احتفالية القبائل المصريه وماصدق يلاقي حاجه يحشر فيها اسم الريس علشان يقول اي كلام وطبعا مش هكرر كلامه التافه لكن هعلق على كذا نقطه.

اولا : هو قال ان السيد صبري نخنوخ كان قاعد مكان الريس وده عبث مابعده عبث … الراجل كان في المقصوره وانا شخصيا دعوتي كانت في المقصوره يعني لولا اني كنت مريضه كان زماني في نفس المكان … ايه كان هيقول عليا قاعده مكان السيده الاولى ؟؟؟؟… لكن كلنا عارفين معتز مطر واسلوبه ..

ثانيا : الناس كانت بتتصور مع السيد صبري بكل حب وهو بيقابل الكل بابتسامه جميله ولا شفنا بلطجه ولا شفنا جاردات ولا شفنا اي مظهر من مظاهر العنف … يعني الكلام اللي بيقوله مش راكب اصلا على الصور اللي هو حاططها … والغريب ان الخرفان عملوا شير من غير حتى ما يتفرجوا ولا يفكروا يشغلوا دماغهم … كعادتهم يعني …

ثالثا : انا بقى هتكلم عن السيد صبري نخنوخ … انا اعرفه من فتره مش بعيده … وللاسف كنت بسمع زي ما كل الناس بتسمع … لحد ما شاءت الظروف وقابلته .. ومش مره واحده اكتر من مره اخرها قبل الاحتفاليه دي ب ٤٨ ساعه …

اقسم بالله اقسم بالله اني قلتله اني ندمانه اني معرفتوش من زمان … راجل قمة الادب والاخلاق والرجوله والجدعنه … شفت بعيني ناس ولا يعرفهم ولا يعرفوه بيجوله يطلبوا مساعدته في اي حاجه وفي اي موضوع عمره ما خذل حد … ياريت عندنا ١٠ صبري نخنوخ في البلد …

انا قابلته كتير واتصورت معاه كتير بس اول مره انزل صوري معاه لانه شخص مشرف لاي حد يعرفه … راجل بجد … وعايزه اقوله ان شتيمتك من معتز مطر وامثاله دي حاجه المفروض تفرحك … وعايزه اقولك يابو الرجوله متزعلش … ياريت منك ١٠ في البلد … انا شخصيا كلمة انتي اختي الصغيره اللي انت قلتهالي شرف ليا لاني عرفتك عن قرب واللي يعرف ويشوف غير اللي يسمع …

ربنا يحفظك يا استاذ صبري وتعيش ودايما فاتح مكتبك وقلبك للناس من غير ما تستنى مقابل … وتعيش وتحرق دم الخرفان … ربنا يحفظك ويكرمك ويباركلك يا اخويا الكبير.

وتعد ملك صالح هي أول من قامت بحملة ضد المدعو محمد علي الذي أرسل دعوات للشعب المصري لإسقاط الرئيس السيسي ، بالإضافة إلى الدعوة لتجديد الثقة في الرئيس وذلك عبر فيديوهات مصورة جذبت العديد من المتابعين والتي تلقت على إثرها ردود فعل متناقضة ، ونجحت في النهاية بالقضاء على المدعو محمد علي وعلى كل متامر يسعى لإسقاط الدولة المصرية.