أكدت السيناريست أماني التونسي ان فيلمها الجديد تؤام روحي سيكون مفاجأة كبيرة بالنسبة للجمهور ، موجهة بالشكر إلى جميع طاقم عمل الفيلم والذي من المقرر طرحه في موسم عيد الأضحى المبارك.
وبدأت أماني التونسي الحديث عن مخرج العمل الأستاذ عثمان ابو لبن قائلة “بسم الله والحمدلله ، دايما كنت بتمنى من وانا في الكليه اقابله واشتغل معاه والظروف مساعدتنيش وقتها ، بس دايما ده بيحصل لما تبقى جاهز .. لان كل شيء بأوان
والقدر اسعدني عن طريق اعز اصدقائي اني اتعرف عليه وابدا معاه شغل وسلسله من النجاحات اللي ممتنه لرب العالمين انه لما ان الاوان كنت قد المسؤليه استاذي عثمان ابو لبن”.
وإضافة “المخرج اللي بيعرف يترجم مشاعري وافكاري وكلامي ويطلعها في اشيك صورة الاخ الكبير اللي بتعلم منه على المستوى الانساني والفني
وسعيده بالعمل معاه بسراكة فنيه بتخرج اعمال مميزة ، بوست في شكر الاستاذ العزيز المحترم الخلوق المخرج عثمان ابو لبن”.
وعن النجم حسن الرداد أشارت بقولها “الفنان حسن الرداد ، انتظروه في دور جديد مميز ، انسان محترم وفنان امكانياته جيده جدا ، اتمناله التوفيق في اختياراته وسعيده بالشغل معاه”.
وتحدثت أيضا عن النجمة أمينة خليل بقولها ” الفنانه أمينه خليل من الفنانات المتميزين في جيلها كل ادوارها بتسيب بصمه ، سعيده بالشغل معاها والحمد لله انها تجربه ناجحه”.
وقالت عن النجمة التونسية عائشة بن أحمد “الممثله الشاطره التونسية الجميلة عائشة بن احمد ، اللي عامله دور جميل في الفيلم وهتشوفوها في دور جديد”.
وعن المنتج احمد السبكي قالت اماني “من اهم المنتجين في الوسط الفني راجل دايما وقت الازمات هو اللي بياخد الدفه وبيشتغل وبيشغل الناس وبيطور نفسه ودخول ولاده في مجال الانتاج خلاهم يدخلوا فكر جديد ومختلف ونوع جديد من الافلام اللي هتشوفوا اختلافها الفتره الجاية
بشكر المنتج اللي اقتنع بشغلي ووقف جنبي وتعاونا مع بعض هو واولاده المحترمين”.
فيلم تؤام روحي من بطولة حسن الرداد وامينة خليل وعائشة بن أحمد ومجموعة من النجوم الشباب ، تأليف أماني التونسي وإخراج عثمان ابو لبن.