منوعات

أنجي خطاب تهاجم ريهام سعيد لهذا السبب

أبدت الفنانة الشابة أنجي خطاب عن استيائها الشديد حول ما بدر من الاعلامية ريهام سعيد بسبب هجوم الأخيرة على أصحاب السمنة المفرطة.

وكتبت أنجي خطاب عبر حسابها الشخصي على موقع التواصل الاجتماعي فيس بوك “هو صحيح الكلام دا ان الإعلامية ريهام سعيد اتريقت علي الستات التخان وقالت انهم عار ع المجتمع !؟ لو الكلام دا صحيح هقولك كلمتين يا ريهام وانا عارفه انه هيوصلك زي ما وصلك دعمي ليكي أنتي لما كنتي عيانه انا داعتلك وطلبت من الناس عندي كلها تدعيلك ربنا يقومك بالسلامة”.

وأضافت “لما الناس هاجمتك وقالو انك مكنتيش عيانه انا رديت غيبتك مع أني معرفكيش معرفه شخصيه عشان انا إنسانه مقبلش حد يجرح في حد لكن لما تغلطي في الناس وتجرحي مشاعرهم يبقي برضو هرد عليكي الستات التخان دول ممكن يكونو امهاتنا كلنا او زي امهاتنا ولينا الشرف وفي الآخر هما مش بياكلو من جيبك وأنتي كإعلامية لازم تأخدي بالك من كل كلمه بتقوليها عشان محسوبة عليكي من الأخر اللي قولتيه دا عيب اوي ميطلعش من اعلاميه للأسف احزني كلامك ونزلتي من نظري”.

واختتمت بقولها “لكل ست تخينه أم او أخت او ابنه او زميله او صديقه انتم علي راسنا من فوق وحقكم علينا واتخنو زي ما انتم عاوزين محدش ليه حاجه عندكم وأنتم في نظرنا قمرات”.

جدير بالذكر أن الاعلامية ريهام سعيد وجهت هجوما ونقدا لاذعا على أصحاب السمنة ، بقولها “الناس التخينة ميتة عبء على أهلها وعلى الدولة وبيشوهوا المنظر ، متحرك بيكون مش حلو وانتي بالعباية او الجلابية ومش قادرة تمشي ، بتفقدي جزء من انوثتك”.

وأعلنت ريهام سعيد اعتزال الإعلام والتمثيل بشكل نهائي وذلك بعد قرار مجلس نقابة الإعلاميين بممارسة اي نشاط اعلامي وإيقاف برنامج صبايا على شبكة قنوات الحياة.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى