احتفل المخرج محمد سامي، بنجاح مسلسل زوجتة النجمة مي عمر، الذي لاقي تفاعل كبير من قبل الجمهور عبر السوشيال ميديا.
ونشر محمد سامي، صورة قديمة مع زوجتة مي عمر، عبر حسابة الشخصي بموقع تبادل الصور والفيديوهات الشهير “إنستجرام” وعلق على الصورة قائلا “دى صورة ليا أنا ومى من 11 سنة، كنا بنفكر فأحلامنا ومستقبلنا وبنتمنى حاجات كتير، ربنا أدانا أكتر منها كمان”
وأضاف “عشان حاجة مهمة بعد كرمه وعطاءه، عشان بجد بنحب بعض وبنساعد بعض طول الوقت في تحقيق أحلامنا، بيتهيألي أني صعب كنت أنجح فى شغلي، من غير دعم ومساندة مى ليا طول الوقت، الدعم ده حاجات كتير قوى، محتاجه مليون بوست عشان تتكتب كلها”.
وتابع محمد سامي، حديثه عن نجاح مسلسل” لؤلؤ “قائلا” النهاردة أنا وهي بنحتفل بنجاحها اللي تعبت فيه، واشتغلت عشانه كتير، ووفقت بصعوبة بين بيتها اللي مخلياه جنة ليا أنا وبناتي، وبين أهلها وحياتها وشغلها، وفي الأخر نجحت نجاح كبير يفرح بيها كل محب، ويثير غيرة وحقد الكارهين”.
واختتم قائلا “”مبروك حبيبتي، وبنتي ومراتي الغالية، ودايمًا ناجحة ومتفوقه، وتحية لكل ست ناجحة، وعارفة توصل لنجاحها رغم واجبتها تجاه أسرتها”.