عمرو أديب يرفع دعوة قضائية ضد محمد رمضان

عمرو أديب يرفع دعوة قضائية ضد محمد رمضان

أشعلت خناقة الأعلامي عمرو أديب والنجم محمد رمضان، السوشيال ميديا، والتي بدأت منذ أيام بعد هجوم أديب على رمضان.

وكشف عمرو أديب، بأنه سيقوم برفع دعوة قضائية ضد محمد رمضان، بعدما سخر منه ومن التصريحات التي انتقد فيها تصرفاته وصفه بأنه مغرور، وقال عمرو أديب خلال الحلقة ل محمد رمضان “لو محدش رباك أنا هعرف أربيك، البلد دي فيها قانون يسري على الجميع».

وأشار إلى أنه” الإنسان اللي متربي نعمة، وأنت لو مش متربي في اللي يربيك، وفي ناس حظها وحش وأنها أتعودت تأخذ الحياة بوشها، وبيحسوا أنهم مسنودين معنديش مشكلة أختلف مع حد في أي حاجة لكن لما نوصل لقلة الرباية يبقي القانون هو اللي يحكم».

وأكد أنه بالفعل بدأ في الإجراءات اللازمة لرفع القضية قائلا “النهاردة طلبت من المحامي الخاص بي رفع قضية على الفنان محمد رمضان، وأي فلوس هخدها من محمد رمضان هوديهم لمستشفى الأطفال في أبوالريش»، مستدركا: «أنا مش من النوع اللي ياخد حقه بالتجاوز، ويا أنا يا أنت، وهنروح للقاضي هو اللي هيقول، وقلة الأدب لأ، ولو محدش رباك يا محمد يا رمضان يبقي أنا اللي هربيك».