التخطي إلى المحتوى

كتب: محمد حنفي

أعربت الفنانة هنا الزاهد عن حزنها الشديد لوفاة الفنان طلعت زكريا مساء أمس عن عمر يناهز 58 عاما إثر وعكة صحية مفاجئة.

ونشرت هنا الزاهد صورة لها مع طلعت يوسف عبر انستجرام معلقة بقولها “دي آخر صورة اتصورتها في كتب كتابي مع ابويا وحبيبي وسندي اللي كبرت معاه سنين ، انا فتحة الصورة دي من بدري وعايزة اقولك انك ربنا هيدخلك الجنة يا اطيب خلق الله انت ربيت ثلاث بنات وكأنك ابوهم وأكتر”.

وأضافت “أنا عايزة اقولك اني معرفتش اقولك غير بابا وانا معاك عمري مقولت اصلا تقريبا بابا غير ليك ، كنت بجري عليك اول معمل حاجة غلط عشان تدافع عني قدام ماما ، فكرة اول بيض اومليت وقولتلي اعملي مطعم بالهنا والشفا و 100 جنيه عشان تشجعني اطبخ”.

وأكملت “كنت دايما تقولي انتي هتبقي حاجة كبيرة وكنت بتشجعني ، كنت فخور بيا لما اتخرجت وعيط اليوم ده انا عمري محسيت انك مش ابويا اللي خلفني ، انا مش مصدقة اني مش هشوفك تاني واقولك زازي يا زازي.

واختتمت بقولها “نفسي ترجع واقولك قد ايه احنا بنحبك كلنا واقولك انك أعظم ممثل ، انا بحبك أوي ومكنتش اعرف اني بحبك أوي كده ، هتوحشني يا احن إنسان عرفته في حياتي ، أرجو الدعاء”.

وتلقى الجمهور المصري خبر وفاة طلعت زكريا بحزن شديد نظرا لما قدمه الفنان في مسيرته من أعمال كوميدية أدخل بها الفرحة داخل قلوب المشاهدين ، وأيضا لاخلاقه واحترامه الشديد لكل الناس وهو ما ترك سمعة مميزة أمام الكل.

التعليقات

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *