فن

كريم سرور يعلق على وقف عرض مسلسل الملك

علق الفنان كريم سرور، على وقف عرض مسلسل “الملك آخمس” بطولة النجم عمرو يوسف، والذي كان من المقرر عرضه في دراما رمضان 2021.

وكتب كريم سرور، منشور عبر حسابة الشخصي بموقع التواصل الاجتماعي”فيسبوك قائلا” متنسوش طيب تحاكموا نجيب محفوظ بأثر رجعى على تدميره للتاريخ فى رواية كفاح طيبة اللى كتبها من ٥٠ سنة و العالم كله قراها لأن أحداثها مكنتش واقعية اصلاً عشان مفيش حاجة اسمها ادب وفن و خيال انما فيه دقن و حزام و سيف”.

وأضاف” و بالمناسبة أحداث فيلم الناصر صلاح الدين كانت مؤلفة مش حقيقية و مكنش فيلم فانتازى زى اسكندرية كمان وكمان اللى مكنش فيه محكاه للواقع برضه و فيلم واسلاماه و قصة جهاد و وواقعة شجرة الدر و قصص دينية كمان فيها أخطاء على مستويات كتير جداً “.

وتابع” و استمتعنا بكل عناصرها و فيه بدل المثال ألف إنما فيه زيطة و تريند و هيييييه اييييه ده ده مش شبهه و هأ هأ وخلاص لكن تقدير لمجهود و تعب ناس و شغل اتصرف عليه ملايين نحكم عليه بالإعدام من قبل ما نشوفه “.

وأكمل حديثه قائلا” طيب هما دلوقتى شكلوا لجنة من وزارة الأثار لمراجعة سيناريو ( السيناريو مش اللبس ده اللى مكتوب فى الخبر معرفش ليه دول مكنوش موجودين من الأول و المسلسل بيتعمل تحت اشراف الدولة ثم يعنى ايه اثريين و علماء تاريخ يراجعوا سيناريو عمل فنى مستوحى من عمل ادبى صاحبه أصلاً قال انه مش حقيقى من اكتر من خمسين سنة”.

وأختتم حديثه” ايه الفكرة يعنى مش فاهم .. هو مفيش حد بقى عاقل بجد يتكلم كلام ناس عاقلة التذوق الفنى عندنا انعدم ده انتم كنتوا بتدافعوا عن حمو بيكا و تقولوا اكل عيشه و حرام فيه ناس بتاكل عيش من وراه انما المسلسل ده هيصب لعنة الفراعنة على مصر طب قررتوا تعملوه من الأول ليه مكنتوش تعرفوا نجيب محفوظ كاتب ايه تعرفوا نجيب محفوظ أصلاً “.

مقالات ذات صلة

اترك تعليقاً

لن يتم نشر عنوان بريدك الإلكتروني. الحقول الإلزامية مشار إليها بـ *

زر الذهاب إلى الأعلى